📍 मंत्रालय, मुंबई. ग्रामविकास तथा पंचायतराज मंत्री यांच्या सोबत बैठक.

लोकसंख्येच्या निकषावर पात्र असणाऱ्या बंजारा तांड्यांना स्वतंत्र ग्रामपंचायतीचा दर्जा देणार – मंत्री नामदार जयकुमार गोरे..

प्रत्येक तांड्यावर संत सेवालाल महाराज सभागृह व स्मशानभूमीसाठी प्राधान्य द्यावे – रविकांत राठोड..
गेवराई!विष्णु राठोड

दि. ६ रोजी मंत्रालय, मुंबई येथे ग्रामविकास व पंचायतराज मंत्री जयकुमार गोरे यांच्या अध्यक्षतेखाली त्यांच्या मंत्रालयातील दालनात संत सेवालाल महाराज बंजारा- लभाणा तांडा समृद्धी योजनेच्या राज्यस्तरीय अशासकीय सदस्यांची महत्वाची बैठक पार पडली या बैठकीत बंजारा समाजासाठी महत्त्वाचे निर्णय घेऊन संबंधित अधिकाऱ्यांना आठ दिवसाच्या आत अहवाल सादर करण्याच्या सूचना दिल्या असून महत्त्वाचे म्हणजे महाराष्ट्र राज्यातील लोकसंख्येच्या निकषावर पात्र असणाऱ्या बंजारा- लभाणा तांड्यांना महसुली व स्वतंत्र ग्रामपंचायतीचा दर्जा देण्याचे आश्वासन ग्रामविकास तथा पंचायतराज मंत्री नामदार जयकुमार गोरे यांनी संत सेवालाल महाराज बंजारा- लभाणा तांडा समृद्धी योजनेच्या राज्यस्तरीय अशासकीय सदस्यांच्या बैठकीत दिले आहे.

राज्यातील अनेक तांड्यांना महसुली दर्जा नाही विशेषता ७०० पेक्षा जास्त लोकसंख्या असलेल्या तांड्यांना महसुली व ग्रामपंचायत दर्जा मिळावा यासाठी प्रस्ताव जिल्हा परिषद व पंचायत समिती स्तरावर प्रलंबित असल्याचे राज्यस्तरीय अशासकीय सदस्य रविकांत राठोड यांनी मंत्री महोदयांच्या निदर्शनास आणून देताच तात्काळ मंत्री महोदयांनी छत्रपती संभाजीनगरचे विभागीय आयुक्त यांना दूरध्वनी द्वारे महसुली दर्जा (काही तांड्यांना नसेल तरी) व स्वतंत्र ग्रामपंचायतीच्या प्रस्तावावर तातडीने कारवाई करून लवकरात लवकर सर्व प्रस्ताव ग्रामविकास मंत्रालयाकडे पाठवण्याचे थेट आदेशच दिले त्याचसोबत अमरावती विभागीय आयुक्त, नाशिक विभागीय आयुक्त, पुणे विभागीय आयुक्त यांना सुद्धा दूरध्वनी द्वारे शासकीय अहवाल सादर करण्याचे आदेश दिले यावेळी छत्रपती संभाजीनगर विभागाचा विभागीय कार्य अहवाल रविकांत राठोड यांनी मंत्री महोदयांकडे सुपूर्द केला.
प्रत्येक तांड्यावर निधी देताना संत सेवालाल महाराज सभागृह व स्मशानभूमीसाठी प्राधान्य द्यावे अशी मागणी राष्ट्रवादी काँग्रेस पक्षाच्या भटक्या विमुक्त विभागाचे प्रदेशाध्यक्ष, बंजारा ब्रिगेडचे राष्ट्रीय अध्यक्ष तथा संत सेवालाल महाराज बंजारा- लभाणा तांडा समृद्धी योजनेचे राज्यस्तरीय अशासकीय सदस्य रविकांत राठोड यांनी यावेळी मंत्री महोदयांकडे केली त्याचप्रमाणे प्रत्येक राज्यस्तरीय अशासकीय सदस्याने महत्त्वाच्या विषयांची मांडणी केली.
संत सेवालाल महाराज बंजारा- लभाणा तांडा समृद्धी योजने अंतर्गत शासनाने तांड्याच्या विकासासाठी यापूर्वी दिलेल्या १३९ कोटी रुपये निधीतील झालेल्या कामांच्या खर्चाचा आढावा घेतला जाईल, यापुढे निधी वाटप करताना प्रत्येक तांड्यावर संत सेवालाल महाराज सभागृह व स्मशानभूमीसाठी प्राधान्य देण्यात येणार असून महसुली गावाचा दर्जा देण्यासाठी पात्र असलेल्या तांड्यांच्या प्रस्तावांना मान्यता देताना कोणतीही तडजोड केली जाणार नाही असे मंत्री नामदार जयकुमार गोरे यांनी सांगितले. बैठकीमध्ये समाजाच्या विविध मागण्यांना मंत्री नामदार जयकुमार गोरे यांनी सकारात्मक प्रतिसाद देत यासह राज्यस्तरीय, विभागीय व जिल्हास्तरीय समितीतील अशासकीय सदस्यांना ओळखपत्र देणे, मागच्या शासन निर्णयातील लमान या नावाऐवजी लभाना अशी सुधारणा करण्याचे आदेश संबंधित अधिकाऱ्यांना यावेळी मंत्री महोदयांनी दिले.
या बैठकीस मुख्यमंत्री सहायता निधी कक्षाचे प्रमुख आरोग्य दूत रामेश्वरजी नाईक, ग्रामीण विकास विभागाचे सह सचिव बेदरे,संत सेवालाल महाराज बंजारा- लभाणा तांडा समृद्धी योजनेचे समन्वयक जगदीश सकवाण साहेब, विशेष कार्य अधिकारी निलेश जाधव साहेब, धर्मगुरू आमदार बाबू सिंग जी महाराज यांचे चिरंजीव संत सेवालाल महाराज बंजारा – लभाणा तांडा समृद्धी योजनेचे राज्यस्तरीय अशासकीय सदस्य पोहरादेवी येथील महंत जितेंद्र महाराज, धर्मगुरू आमदार बाबुसिंग महाराज यांचे चिरंजीव भक्तराज महाराज, राष्ट्रवादी काँग्रेस पक्षाच्या भटक्या विमुक्त विभागाचे प्रदेशाध्यक्ष, बंजारा ब्रिगेडचे राष्ट्रीय अध्यक्ष तथा तांडा समृद्धी योजनेचे राज्यस्तरीय अशासकीय सदस्य रविकांत राठोड,पंडित भाऊ राठोड,श्रावण चव्हाण,मोहन चव्हाण,नंदूभाऊ पवार,देवीदास राठोड,भगवान राठोड व ग्रामविकास विभागाचे अधिकारी व कर्मचारी यांची प्रमुख उपस्थिती होती.
भारतीय स्वातंत्र्याच्या अनेक वर्षांनंतर मूलभूत सुविधांपासून वंचित असणारा तांडा आता नक्कीच समृद्ध होईल हे मात्र नक्की….

*या महत्वपूर्ण बैठकीचे नियोजन मुख्यमंत्री सहायता निधी कक्षाचे कक्ष प्रमुख आरोग्य दूत रामेश्वर भाऊ नाईक, संत सेवालाल महाराज बंजारा- लभाणा तांडा समृद्धी योजनेचे राज्याचे समन्वयक जगदीश सकवाण साहेब व विशेष कार्य अधिकारी निलेश जाधव साहेब यांचे विशेष आभार…